The Municipality of Calaca

Noong ika-6 ng Mayo 2010 ay nagbigay ng libreng bakuna laban sa A (H1N1) ang mga kawani ng Provincial Health Office sa mga tauhan ng Pambayang Pangkalusugan, Lunas Kalusugan Volunteer Workers, VSR-BHW at Barangay Nutrition Scholars. Nauna nang nabigyan ang mga frontline responders ng bakunang ito sa pagtutulungan ng World Health Organization-Western Pacific Region, Department of Health at Unicef. Nabigyan ang Pilipinas ng siyam (9) na milyon na dosis ng bakunang ito na siyang ibabakuna sa mga taong haharap o manggagamot sa may sakit na A(H1N1).

Ang AH1N1 vaccine ay bakuna laban sa A (H1N1) Influenza. Ito ay epektibo at ligtas ayon sa mga pagsusuri ng World Health Organization.

Sa pakikipag-ugnayan ng Municipal Health Office sa Provincial Health Office, nabigyan ng libreng bakuna ang 318 na mga volunteer workers at kawani sa Bayan ng Calaca at sa ganitong paraan ay natitiyak ang kanilang kahandaan sa muling pag-atake ng nasabing nakamamatay na sakit.